Utu Antar Pa Depe Oma ka Dokter

Ayo Ketawa! - Utu mo pi antar pa depe oma pi ka dokter nae motor....

Utu : "Mari jo, Oma. kalo ba bonceng, jang lupa ba pegang kuat neh...?!"
Oma : "iyo, ini so ba pegang kuat noh..."

Utu kase inga ulang pa oma waktu motor somo bajalang...

Utu : "Jang lupa ba pegang kuat neh, oma..."
Oma : "Iyo kwa.. sudah so ba pegang.. cerewet skali ngana eh…"

Utu: "So butul-butul so ba pegang kuat, Oma? Kita so mo bajalang ini..."

Utu langsung tancap gas. kong kage dapa dengar rupa ada barang jatung.... "BRUAKKKKKKK!!" Utu kage kong haga ka blakang.. astaga.. Ternyata oma so jatung dari motor...

Utu : "Kiapa oma boleh jatung dang? Kita kan so bilang ba pegang kuat. Oma nyanda ba pegang so?"
Oma : "Sudah.. oma so ba pegang.. so ba pegang kuat-kuat le..!!"

Utu : "Oma ba pegang dimana so?"
Oma : "Di pagar rumah..." (www.ayoketawa.com)