Tulis Surat Pa Bayi Yesus Minta Sepeda Baru

Ayo Ketawa! - Menjelang hari Natal, Anto kecil da minta sepeda baru pa depe mama sebagai hadiah Natal. Kong depe mama kase ide pa dia for ba tulis surat pa Santa Claus jo supaya nanti tu Santa Claus yang mo kase akang dang.

Mar karna dia tako pa Santa Claus, Anto bilang pa depe mama kalo dia pilih mo batulis surat pa Bayi Yesus jo deng alasan biar lebe capat. Kong depe Mama bilang lebe bagus noh asal tu surat Anto tulis bae-bae supaya Bayi Yesus bisa mo kabulkan dang depe permintaan.

Dengar itu Anto langsung pigi pa depe kamar kong tulis surat,
"Bayi Yesus yang baik, selama 1 taong ini, Kita so jadi anak yang sangat baik, oleh karna itu kita mo minta sepeda baru sebagai hadiah Natal"
Mar setelah lia tu surat yang dia da tulis, Anto dapa lia kurang puas, kong putuskan untuk beking surat baru dang, Abis bapikir sadiki dia ganti tu surat kong ba tulis ulang,
"Bayi Yesus yang baik, Kita ini telah menjadi anak yang baik selama ini dan ingin hadiah sepeda baru untuk Natal"
Abis dia baca ulang, dia tetap kurang puas kong coba tulis depe versi surat yang ketiga,
"Bayi Yesus yang baik,
Kita skarang so jadi anak yang baik deng kalo kita dapa sepeda baru sebagai hadiah Natal, Kita mo berusaha lebe keras supaya mo jadi Anak yang lebe baik lagi"
Mar abis itu Anto Masih belum puas leh, sambil bapikir tentang kata-kata yang bagus mo tulis, dia putuskan untuk pigi kaluar for jalan-jalan dulu cari ide. Pas dia lewat pa depe tetangga pe rumah, dia dapa lia ada patong kecil dari Perawan Maria pa dorang pe taman depan.

Tanpa pikir panjang Anto ambe tu patung kong isi pa depe dalam baju, abis itu dia lari pulang kong se sambunyi tu patung di bawah depe tampa tidor. Setelah dia rasa soh aman, dia ambe kertas kong mulai batulis
"Kepada Bayi Yesus, Kalo ngana suka mo lia ulang pa ngana pe mama, alangkah baiknya kalo ngana kase akang sepeda baru pa kita. Ingat!! jangan se tau pa Santa Claus neh"

(www.ayoketawa.com)